據聞大家都想了解我地Admin多啲，所以特設本Q&A環節，等大家可以多啲了解我哋。:) Q：你哋有幾多人？ A：我哋負責網站開發同資料庫管理嘅只有一個人，就係我陳妍茵。不過我哋另外有一個人幫手起伺服器，仲有一個人自願做我哋顧問，幫手保障我嘅安全同提供對資料庫嘅意見。不過佢哋都有自己嘅野要做，無時間去開發個資料庫同入資料。 Q：咁你哋係邊個？ A：我係普通中學雞一個。另外兩個Admin年齡係我兩倍，拎住server嘅係外國絲打。 Q：你有無上過前線？ A：有，71嗰時我去過立法會附近，再多嘅就係夢境，唔記得晒嚕～ Q：點解你想整呢個資料庫？ A：威囉，型囉。當然係想希望大家可以搵到更多黑警同黑社會資料，然後自己做自己鍾意做嘅野。雖然而家有各種Telegram Group & Channel爆料，但係要搵返以前嘅資料真係唔易，所以就整個以搜尋為中心嘅資料庫。同埋反送中運動終有一日會完，我想大家係不久嘅將來可以搵返呢啲資料，以史為鑑，認清警察、黑社會可以點樣對待我哋。 Q：你哋本人安唔安全？ A：陳妍茵71之後就無上過前線。我想係度同前線嘅義士講聲對唔住，我無辦法再同你哋一齊戰鬥落去，但我會永遠係背後繼續支持你哋，踢爆更多黑警黑幫資料，用網絡嘅力量去保護你哋。至於兩位幫手嗰邊大家就更加唔洗擔心，佢哋做開呢啲野，安全措施做到足，我都係跟佢哋學野㗎咋。 Q：你哋會唔會整app？ A：暫時唔會。我哋有考慮過整，但係App點上架係一個大問題。Apple App Store強制要求開發者提供個人全名同資料，對於我哋呢類人梗係唔用得。Google Play Store管制會少啲，但我哋都有機會遇到相同情況。我哋亦可以寫完App就要求大家自己Compile放係手機，就好似整Whatsapp Sticker咁，但呢個步驟對一般手機用家黎講太複雜，個App整咗等於無整。 Q：你哋同香港警察暴行資料庫有咩分別？ A：主要有以下幾個分別： 我哋唔會止步係黑警資料上面，同時會包括部份打示威者 / 市民嘅黑幫資料（特別係元朗、北角、荃灣嗰班）。 我哋嘅程式、伺服器等等全部都係自己野，唔擔心會俾出面服務供應商強行關閉而無法繼續營運。 我哋有API可以俾大家拎資料，雖然Admin未有時間寫API Docs，但係API已經整好，例如呢個係用API拎到嘅隻揪sir資料。 Q：點解人哋無Domain，你哋竟然有？ A：呢個Domain係外國絲打搞返黎，佢話係外國有大把渠道用Gift Card買嘢，唔使俾個人資料。 Q：你哋之後仲會整啲乜？ A：請睇我哋嘅置頂資料。